منذ ٣ أيام كتبت :
بالعامي
اهلا اهلا ..
مرة مشغولة بتجهيزات بيتي .. وبنفس الوقت مستمتعة بهذي الرحلة مرة !
مبدئيًا كنت جدًا محظوظة انو اختي ر سافرت دبي الفترة الي راحت ف اخذت راحتي ف بيتي الحالي المؤقت وبنفس الوقت كنت مشغولة بالتأثيث وغيره … الاسبوع الي راح كان راحة نفسية بالنسبة لي حمدلله وكان سفرها قرار ممتاز جدا
مبدئيا هوسي كولوا بقسم المطبخ ، جالسه استكشف نفسي من اول وجديد ! عندي هوس مو عادي بالالوان ، ابي كل قطعة بمطبخي ما تشبه اختها ، يعني ماراح اشتري مجموعات ابدا !!! مطبخي ابيض سادة والسطح حق مطبخي خشبي فاتح .. ف الاثاث الملون راح يطلع تحفة عليه ، من يومين اشتريت الكنب .. رمادي فاتح .. مفروض يوصل بعد عشر ايام … بكرا مفروض بدور ع السجاد وابي اشتري لمبة المطبخ ..
موترني موضوع ماما ! مو عارفه كيف افاتحها بموضوع اني قريب راح انقل .. هالموضوع بيزعل ماما مرة .. لاسيما ماما الحين مضغوطة بأكثر من مشكلة ف حياتها واخاف ع صحتها بصراحة
بنفس الوقت صايره مو قادرة اسولف معها لانو اغلب سوالفي صايره اثاث وتأثيث وبيت وتخفيضات ! حتى ف الانستا حقي ! حاسه حالي مو
قادرة اسولف ..
انقطاع مفاجئ للتدوينة
نورة تتحدث 