مرحبًا يا أنا ، نكتب عامي أسهل وأسرع ؟ اوك
مبدئيًا هذا ثاني يوم لي في الرياض وبس جالسه في البيت ، برد مرة .. هذا اول شتا اعيشه في بيتي الجديد ، لسا ما بعد رجعت لحياتي الروتينية في الرياض ، توني قفلت من مكالمة مطولة مع اختي اعطتني مهام عمل جديدة والله يسهلها ، جتني دفاية اليوم من شخص يحبني ومرة مبسوطة فيها لانو اكسترا برد ، بخصوص مشاعري ونفسيتي بعد اخر رحلة روحية ؟ اممم باقي ! باقي اثارها ! ماحس اني رجعت ١٠٠٪ واحس فكرة الوجود الي علمتني عنها النبتة المعلمة لسا موجود في داخلي ولعلي مع الايام انساها ، بعد شوي بروح اتقضى حاجات ناقصة البيت ، حاليا ماني حابه بيتي حطيت هدف رئيسي هالسنة اخلي بيتي جميل في نظري ابي اجلس فيه وانا في قمة الراحة والسعادة ،،، ماحس نفسيتي كويسة لسا لأسباب كثير ،، ما كنت ابي ارجع الرياض هذا اولا ، ثانيا الجو البارد ما احبه ويسوي خمول ، ثالثا الدورة الشهرية جتني ، رابعا والاهم ان افكار اخر جلسة روحية للحين مسيطرة ع تفكيري …
امس بالليل زارتني اختي ب ، كنت سعيدة بوجودها بشكل يفوق الخيال .. جلسنا نسولف ٤ ساعات او يمكن اكثر ..
بكرا بنرجع للدوام الله يسهل وقررت اسجل في النادي الصحي الي فيه اختي ر عشان سببين ابي اتحفز للنادي وعشان ارجع اقوي علاقتي فيها
اهم موضوع ابي احله في حياتي الحين هو التصالح مع الوحدة او بالاصح ابي اوصل للأُنس بالوحدة
الله يسهل ، واكون سعيدة و مبسوطة دايما يارب
نورة تتحدث 