لحظة ، جالسه أرجع لطبيعتي الأصلية الي مرة مرة وحشتني … انا نورة افكاري متسارعة وحركية ويومي مليان انجازات ولمن اتكلم اطير من الحماسة …… واو ….. اليوم اول يوم بعد الديتوكس وحاسه حالي جالسه اطييييييير … حاسه حالي مشاعري ممتازة وحاسه اني سعيدة وحابه ومستمتعة في كل شي جالسه اسويها …..
امس كان سابع يوم وما كان احسن يوم ،، تهاوشت وزعلت مع بعض الناس ولا حسيت بأي مشاعر هايبر ، لكن اليوم لا … اليوم غيررررررر
امس صحيت من النوم وحسيت ابغى اروح الخبر ، صنعت القرار بشكل سريع جدًا !!!!! وفعلًا حجزت كل شي وجاهزه هالويكند اطلع الخبر واختلي بنفسي واستفيد من لفل النظافة الي حصلته من الديتوكس
الحين الساعة ١١:٣١ م ، فيني نوم بس فيني طاقة واحس ما خاطري انام لمن اسوي حاجات زيادة ، طايره أنا صدق
امس نمت الساعة ٢ الليل وكان اليوم الجديد هو يوم الاحد وماعندي دوام لكني صحيت بكير ع ٨ طار النوم ….
انا سعيدة ، وجالس يصيرلي تسخير رائع ،امس كان العشاء (حمص) ونواشف ثانية ، وبنفس الوقت لمن طلبت الغدا جا معه بالصدفة حمص ، ف وقت العشا حسيت اوه فيه ثنين حمص ، ياليت لو اقدر اختار حمص الغدا لحاله اكله والثاني لا ، وصدف ذقت حمص العشا وصار خربان ، اوميقاد … صار الحمص الثاني خربان عشان اركز ع الحمص الاول بدون تأنيب ضمير
عادي مو مهم تفهمون السالفة هذي بس هي تعني لي واحتاج ارجع لهذا التوثيق لاحقًا
عاليوم مثلا كنت رايحه اشتري من محل الرياضة قفازات ملاكمة لاغراض تبع العمل و كنت محتاجه مرة اشتري كأس فوز بس ماني عارفه من فين ويصدف وانا احاسب اشوف عند الكاشير موجود كأس فوز ، واخذته اكييييد !!! اليوم رحت المكتبة ولقيت شخص غسل لي سيارتي …. وانا في الطريق للمكتبة كان خاطري اكل من اسر منتجة ولمن وصلت لقيت اسر منتجي ع طريقي للمكتبة … عامل في المكتبة قد ساعدتي اول بس اليوم وبدون سبب قرر يساعدني اكسترا واخذ رقمي عشان يعلمني لو وصلت بضاعة جديدة ، ولأول مرة قرر يوصلي الاغراض للسيارة ، اليوم كان عندي موعد رتوش الساعة ٣:٣٠ م ، وصلت للعيادة ٣ بالضبط وبدل ما اتأخر لوقت يوصل للساعة زي العادة دخلوني قبل وقتي ، ودخلت لموعدي الساعة ٣:٥ م ، كمان رحت المول اليوم اشتري شغلة ل م، فجأة بوجهي الاقي صيدلية وانا من اول محتاجة مبرد اظافر … والمحل الي جنب الصيدلية محل تصليح جوالات ، وكنت بعد محتاجه كفر لجوالي …. عملية شراء الجاكيت كانت سهلة وسلسة ، اول جاكيت كان بيرفكت ومناسب ….
فيني طاقة عالية نجزت حاجات كثيرة اليوم ، انستجرامي مُهمل من فترة لكن نزلت بوست اليوم ، حاسة فيني حماسة اتكلم واسولف اسولف ، طريقة كلامي واسلوبي الي بيطير من الحماس ،، رجع رجع رجع …
يالله ، انا سعيدة وياربي اكون دايما في حالة روحانية عالية …… وياربي دايما تكون روحي نظيفة ومشاعري نظيفة ياربي ….
بكرا ضروري اكتب ابديت عن يومي
نورة تتحدث 