ياخي مرة حزينة!
مدري شالسالفة .
مخي تعبان من التفكير والشغل الزايد جواته …
وكمان اشتقت له ومحتاجتله ..
وكمان معالجتي تقول عيشي حياة سطحية وتافهة و لا تنسين انك في مرحلة استشفاء ، لا تضغطين ع نفسك بولا شي .. وانا حاسه اني ماني قادره افك التزامي عن الهدفين الجديدين الي بحياتي …
وكمان الحين فوضوني بالشركة اني اديرها بشكل كامل الله يعين لمن يرجع المدير …
ببالي اسافر لمن يرجع مديري بعد شهرين ، كنت كنسلت السفرة عشان اركز ع اهدافي بس معالجتي قالت تحتاجين هذي السفرة وبتساعدك في مرحلة الاستشفاء …
بالمنطق انا ما كملت شهر يمكن ع الانفصال .. وهي تقول الطبيعي ٣ شهور وزيادة .. مو اقل ..
حني ع نفسك وارفقي فيها …..
ياربي…
مزعجة مشاعري هذي الفترة ومزعجة افكاري …
كمان ذكرتني معالجتي اني امر بمرحلة تغيير روتين … مثيرات القلق في حياتي انتهت لذلك جالسه استنكر حياتي الهادية الحين … مثيرات القلق كانت والدي (والي خف قلقي تجاهه بعد مواجهتي الكبرى معاه) وكمان المثير الاكبر كان علاقتي السابقة …
كيف اسخف نفسي واسطح حياتي هذي الفترة لمن اعدي فترة الاستشفاء ؟ والله ماني عارفه .. انا ماني مقصرة مع نفسي بشي .. اروح مساج لمن خاطري اروح سينما لو اشتهيت .. بالويكند اروح فعاليات .. اتسوق واشتري كل شي .. ايش كمان حاجات سطحية ممكن اسويها ؟ والله مدري .. قالت لي كمان اتابع افلام كرتون …
احسها مو فاهمة طبيعتي … انا شخص جاد وعايشه ع الالتزام والترتيب والنظام … واهدافي بالحياة هي وقودي الي يحركني كل يوم .. مدري كيف اعيش حياة هادية وفاضيه ، مدري صدق ….
الله يعين
نورة تتحدث 