اليوم فكرت مرتين قبل ما أطلع مع (الشلة)
بس طلعت
كنت ابي اكافئ نفسي مقابل جهد اليوم الكبير الي سويته
وبصراحة انبسطت كثير
أكثر جزئية حبيتها اني حاولت أكون متحدثة أكثر من العادة ، بالعادة أنا مستمعة أكثر
وكل ما يطرى في بالي سالفة أقول ليش أقولها وش الداعي !
لكن اليوم كنت أكثر حرية وتكلمت عن (الزين والشين) حاسه إني مرتاحة وحاسه إن فيني طاقة أكثر لمن تكلمت ..
هالشي مو من طبعي بس اليوم لمن طلعت معاهم كنت كثير مرهقة وتعبانة وكنت (أكثر على حقيقتي) ومنفتحة للكلام أكثر .
يمكن الي تعلمته اليوم إنه عادي تتكلمين ترا
محد بيحكم ولو حكموا مو مهم .
اهم شي شعوري انا لمن اتكلم
وش الصورة الي طول حياتك ماشيه تحافظين عليها ؟ وتخليك متحفظة دايما وتحسبين ع الكلمة ؟
برجع اذكرك أنتي مو الملك ولا آخر حبة
أنا مبسوطة إنك اليوم خمدتي الايقو وكنتِ بكل أريحية تتكلمين كنورة الحقيقية
براڤو وصح.
شعور الانتعاش الي جاني بسبب اني قررت أكون منفتحة وأتكلم .
بصراحة حمدلله اني طلعت
مبسوطة
وياربي دايمًا مبسوطة
نورة تتحدث 