سعيدة مرة ..
مرة !
هذا اليوم يستحق الامتنان ..
يوم بسيط وهادي ومليان سلام …
ثاني ايام رمضان
صحيت ، رجلي لسا تألمني بعد علاج امس ، فكنسلت النادي اليوم …
سويت يوقا وتمارين استطالة بالبيت ..
طبخت الغدا حقي بحب …
اشتغلت شوي باللاب توب
قدمت على المشاركة في معرض بأمريكا وشبه متأكدة اني راح انقبل ..
جهزت القهوة الي احبها
جا الآذان .. اكلت تمرتين …
بعد انقطاع فترة عن تناول التمر قررت أوقف الحمية وآكل تمر لان رمضان محتاج “شويا تخبيص”
ولأن اليوم خميس سمحت لنفسي أستخدم “الفيب” على اتفاقي الجديد مع نفسي .. “الفيب بس للويكند”
ريحة الأكل اللذيذ ماليه المكان ..
اليوم مفروض اطلع مع اختي والناس الي احبها نسوي شي يجيب السعادة ، لسا ما قررنا ايش ..
مرتاحة مع جسمي .. الجهاز الهضمي امس واليوم ماشين حلاوة معي ..
جسمي مثالي تقريبا … اعيش في جسد رشيق يشبهني ومرتاحة فيه ..
امس سويت اظافري ومبسوطة بالشغل واللون ..
خلصت لوحة امس مرة جميلة وبعرضها للبيع
وقررت لوحتي الجايه ايش بتكون ومتحمسة ارسمها ..
نفسي اروح لبيت ماما انام عندهم برمضان كم يوم بس بتتيسر لو (هو) سافر كم يوم بقدر احقق هالحلم ..
الله يبارك ويزيد من مشاعري الحلوة الطيبة
كل شي مستقر
اهلي والناس الي احبها بخير وبصحة ..
انا محبوبة … خواتي يحبوني
ماما تحبني .. وماما بصحتها وعافيتها ..
ربي اعطاني مع الجسم الحلو وجه حلو .. حمدلله … ومنطوق حلو .. وكاريزما حلوة ..
اموري مستقرة من كل النواحي …
فوضى السعي المتخبط جالس يوقف يوم ورا يوم .. صرت اقدر اركز على اهداف قليلة ومحددة …
اعرف بيجي يوم بكون اغنى ومستقرة ماديا اكثر ..
على الاقل هالشهر ضمنت دخل كويس ومرتفع بالنسبة لشخص توه بادي في الشراكات من السوشل ميديا …
الحمدلله … الحمدلله على كل شي …
بيتي نظيف وحنون … ويشبهني ..
حقيقي مبسوطة ..
نورة تتحدث 