كثير أحداث صارت لي الفترة الأخيرة ، أنا لسا في أمريكا … حاليًا الظهر عندي .. رحت لاس فيجاس احتفل في راس السنة هناك …
اليوم هو ٣١ … باقي اقل من ٢٤ ساعة ع دخول السنة الجديدة .. جالسه ادور اهدافي السنة الي راحت ما حصلتها … ودي اعرف ايش كنت اطمح له
وايش حققت ..
سنة ٢٠٢٢ بدت في حفلة خاصة وبسيطة في مزرعة في الدوادمي …
اذا كان فيه هايلات لسنة ٢٠٢٢
ف هو اكيد شرائي للشقة يوم ١٣ مارش ٢٠٢٢
وانتقالي للعيش لوحدي
في مجمل السنة كنت ملتزمة في دراسة خط النسخ مع الأستاذ زكي
ركبت تقويم اسنان شفاف وانهيته حمدلله بنجاح
في ماي سافرت الدينمارك وكانت من السفرات اللطيفة
في جون حفلة ميلاد اختي الاربعين
في جون برضو اخذت ماما و ب للبحرين رحلة لطيفة وخفيفة
ايضا بداية انطلاقتي الحقيقة في التيك توك كانت في هالسنة وحصول مقاطعي على ملايين المشاهدات .. اول مقطع مليوني كان في جولاي
في منتصف جولاي كانت حفلة تخرج اختي ب وجربنا التكسي ليموزين
بديت اتعلم نحت في نهاية جولاي
في هالسنة خسرت ١٠ كيلو من وزني
برافو
سافرت عمان سفرة لطيفة في اكتبور
نهاية اكتوبر شاركت في تجربة اداء تخص قناة ام بي سي
سفرتي لامريكا كانت من الحاجات الفارقة هذي السنة والي تضمنت حاجات كثيرة من ضمنها تجربتي لأدوية روحية مختلفة وتجربة الاستقرار في امريكا وتجربة تعلم النحت مع استاذ ارجنتيني وتجربة قضاء اخر يوم في السنة في لاس فيجاس
بخصوص السنة الجديدة للحين مو واضح لي بصراحة اي اهداف وهذي تقريبا اول سنة كذا مجهولة وما عندي فيها طموحات كبيرة
ماودي اضغط ع نفسي واحط اهداف دام اني مو جاهزة الاكيد اني ابغى اتطور روحيا بشكل كبير جدا جدا
نورة تتحدث 